FRIDAY, AUGUST 27, 2010
Abante
SAN FERNANDO, Mexico (AFP) --- Pitumpu’t dalawang katao ang natagpuang minasaker sa isang rantsuhan sa northeast Mexico na pinaniniwalaang mga migranteng patungong United States, na ayon sa mga opisyal, ay isa sa pinakanakakakilabot na halimbawa ng Mexican violence sa mga nakaraang taon.
Nadiskubre ng mga Marines ang mga bangkay ng 58 kalalakihan at 14 na kababaihan matapos ang pakikipagsagupaan sa mga pinaghihinalaang drug cartel sa lalawigan ng Tamaulipas, na mga hangganan sa US state of Texas, kung saan isang marine at tatlong gunmen ang nasawi, ayon sa military nitong Miyerkules.
Isang sugatan na lalaking Ecuadoran na sinasabing nag-iisang survivor sa masaker at siyang nag-report sa militar kaugnay sa pamamaslang ay isinailalim sa federal protection, ayon sa Navy source sa AFP na tumangging magpakilala.
Sinabi ng lalaki sa mga pulis na ang grupo ay dinukot at pinagpapatay ng mga miyembro ng isang armed group na sangkot sa drug trade at organized crime, at kilala sa pang-e-extort sa mga migrante.
“Preliminary unconfirmed reports suggest (the victims) could have been immigrants from El Salvador, Honduras, Ecuador and Brazil,” pahayag ni Alejandro Poire, Mexican security official, sa news conference.
Posts
0 comments:
Post a Comment